देउराली फाउन्डेसनको अब आफ्नै कार्यालय

कार्यालय शुभारम्भका अवसरमा आयोजित एक कार्यक्रम

काठमाडौं । शिक्षा, स्वास्थ्य, कृषि र सञ्चार क्षेत्रमा काम गर्दै आएको परोपकारी संस्था देउराली फाउन्डेसनले आफ्नो केन्द्रिय कार्यालय सुरु गरेको छ।

गत पुष २० गते झम्सिखेलस्थित होटल हार्मोनीमा विशेष समारोह आयोजना गरि कार्यालय शुभारम्भ गरिएको हो ।

उक्त कार्यक्रममा संस्थाले हालसम्म गरेका कामहरुको विवरण पेश गर्नुका साथै आगामी कार्य योजना समेत प्रस्तुत गरिएको थियो ।

कार्यक्रममा उपस्थित सरोकारवाला व्यक्ति तथा संस्थाका प्रतिनिधिहरुले देउराली फाउन्डेसनको परोपकारी कामको प्रशंसा गर्दै आगामी योजनाहरु समेत सफल रहोस् भनि शुभकामना दिए ।

फाउन्डेसनका अध्यक्ष भिम घिमिरेले अब उपरान्त ललितपुर पुल्चोकस्थित फाउन्डेसनको सुविधा सम्पन्न केन्द्रिय कार्यालयबाट संस्थाका सम्पूर्ण काम सञ्चालन हुने जानकारी दिए । फाउन्डेसनले कार्यालय शुभारम्भको अवसरमा निशुल्क सञ्चार तालिम समेत सुरु गरेको छ । ५ दिनसम्म सञ्चालन हुने उक्त तालिममा पत्रकारितामा रुचि राख्ने १५ जना विद्यार्थीको सहभागिता छ ।