बेलायतका लागि नेपाली राजदूतले लिए राष्ट्रपतिसमक्ष शपथ

राष्ट्रपति रामचन्द्र पौडेलसमक्ष शपथ ग्रहण गर्दै पाँच देशका राजदूत । तस्बिर- राष्ट्रपतिको सचिवालय

काठमाडौं, पुस ८ गते । राष्ट्रपति रामचन्द्र पौडेलसमक्ष पाँच देशका राजदूतले शपथ ग्रहण गरेका छन् । 

शीतल निवासमा सोमबार बिहान आयोजित समारोहमा राष्ट्रपतिसमक्ष रुसी महाङ्घका लागि नवनियुक्त राजदूत जङ्गबहादुर चौहान, संयुक्त अधिराज्य (यूके) का राजदूत चन्द्रकुमार घिमिरे, स्पेनका राजदूत शनिल नेपाल, गणतन्त्र कोरियाका राजदूत डा. शिवमाया तुम्बाहाङ्फे र गणतन्त्र भारतका राजदूत डा. शङ्करप्रसाद शर्माले पद तथा गोपनीयताको शपथ ग्रहण गरेको राष्ट्रपति कार्यालयले जनाएको छ ।

सो अवसरमा नेपाल सरकारका उच्चपदस्थ अधिकारीहरुको समेत उपस्थिति थियो ।