परराष्ट्रमन्त्री राणाले भारतीय प्रधानमन्त्री मोदीसँग गरिन् शिष्टाचार भेट

काठमाडौं- भारतको औपचारिक भ्रमणका क्रममा नयाँ दिल्लीमा रहेकी परराष्ट्रमन्त्री आरजु राणा देउवाले प्रधानमन्त्री नरेन्द्र मोदीसँग शिष्टाचार भेट गरेकी छन् ।

सोमबार साँझ नयाँ दिल्लीमा भएको उक्त भेटवार्ताका क्रममा नेपाल भारत सम्बन्ध र यसको बहुआयामिक विविधताका विषयमा कुराकानी भएको परराष्ट्रमन्त्री राणाले सामाजिक सन्जालमार्फत जनाएकी छन्। 

नेपालको परराष्ट्रमन्त्रीका रुपमा आफ्नो यो भ्रमण र उच्चस्तरीय भेटवार्ताबाट नेपाल र भारतबीचको ऐतिहासिक सम्बन्ध थप उचाइमा पुग्ने अपेक्षा उनको छ ।

यसअघि राणाले भारतीय समकक्षी विदेशमन्त्री एस जयशङ्करसँग पनि भेटवार्ता गरेकी थिइन् ।