प्रधानमन्त्री ओलीलाई संसद्‌मा दुई तिहाई विश्वासको मत

काठमाडौँ —प्रधानमन्त्री केपी शर्मा ओलीले प्रतिनिधिसभामा दुई तिहाई विश्वासको मत प्राप्त गरेका छन् ।

प्रतिनिधिसभामा उपस्थित २६३ मध्ये ओलीको पक्षमा १८८ मत र विपक्षमा ७४ मत पर्‍यो । मत दिन्न भन्नेमा १ मत परेको थियो । 

प्रतिनिधिसभामा १८४ मतले दुई तिहाई पुग्नेमा उनको अझ बढी मत आएको हो । 

प्रतिनिधिसभामा ओलीको पक्षमा कांग्रेस, एमाले, जसपा, जसपा नेपाल, जनमत पार्टी, लोसपा लगायत दलको समर्थन छ । माओवादी केन्द्र, राष्ट्रिय स्वतन्त्र पार्टी र नेकपा एकीकृत समाजवादी चाहिँ ओलीको विपक्षमा उभिए ।

कांग्रेस र एमालेबीच गठबन्धन भएसँगै ओली चौंथोपटक प्रधानमन्त्री बनेका थिए ।