गायिका निर्मलाले ल्याइन् ‘इन्द्रकमल’

लण्डन । लोक दोहोरी गायिका निर्मला थापा मगरको ‘इन्द्रकमल’ बोलको नयाँ लोक दोहोरी गीत सार्वजनिक भएको छ । गायिका थापा मगरको आफ्नै युट्युब च्यानलमार्फत शुक्रबार सार्वजनिक गरिएको यस गीतमा उनलाई गायक आरके गुरुङले साथ दिएका छन् । पवित्रा सर्तुङ्गे मगरको शब्द तथा आरके गुरुङको लय रहेको यस गीतमा चर्चित गायक चिज गुरुङ र मोडल अन्जु गुरुङको अभिनय छ ।

म्यूजिक भिडियोको निर्देशन प्रकाश भट्टले गरेका छन् भने करण चैसिरको छायांकन तथा टेकेन्द्र शाहले सम्पादन गरेका हुन् । गायिका निर्मलाको एक सय भन्दा बढी गीत सार्वजनिक भइसकेका छन् । विगत जस्तै यसपटक पनि दर्शक स्रोताले आफ्नो गीत पराउनेमा गायिका विश्वस्त छिन् ।

भिडियो-