प्राध्यापक सुवेदीद्वारा लामाको असामयिक निधनमा गहिरो शोक ब्यक्त

लण्डन—बेलायतको नेपाली समुदायका एक अग्रज अभियन्ता आङ कलजंग लामाको असामयिक निधनप्रति प्राध्यापक सूर्यप्रसाद सुवेदीले एक शोक बक्तब्य प्रकाशित गर्दै बेलायतको नेपाली समुदायले एउटा रत्न गुमाएको बताएका छन् ।

लामा सामाजिक सेवाको लागि निस्वार्थ तरिकाले लाग्ने व्यक्ति भएको र आफ्नो मित्र भएकोले लामाको निधनले आफू मर्माहत र स्तब्ध भएको सुवेदीले जनाएका छन् ।

प्रा सुवेदीले स्वर्गीय लामाको चीर शान्तिको कामना गर्दै शोक सन्तप्त परिवारजनमा धैर्यधारण गर्ने शक्ति मिलोस् भन्ने कामना पनि गरेका छन् ।

प्रवासी नेपाली मञ्च (तत्कालिन नेपाली लोकतान्त्रिक मञ्च) यूकेका संस्थापक अध्यक्ष ५७ वर्षीय लामाको मंगलबार ह्दयघातका कारण काठमाडौं बौद्धमा निधन भएको हो । 

एनआरएनए यूकेका पूर्व उपाध्यक्ष एवं संस्थापक सदस्य स्वर्गीय लामा प्रवासी नेपाली मञ्च अन्तरराष्ट्रिय कमिटीको सल्लाहकार परिषदका वर्तमान सदस्य हुन् ।