इलाम-२ मा सुहाङ अगाडि

इलाम —इलाम-२ मा जारी मतगणनामा नेकपा एमालेका उम्मेदवार सुहाङ नेम्बाङले अग्रता लिएका छन् ।

सुरुवाती परिणाममा १२३ मतले पछि परेका नेम्वाङले फाकफोकथुम गाउँपालिका-१, २, ३ र ४ को मतगणना सकिँदा कांग्रेस उम्मेदवार डम्बरबहादुर खड्कालाई उछिन्दै ३४५ मतको अग्रता बनाएका हुन् । नेम्वाङले २ हजार ५४२ मत पाएका छन् भने खड्काले २ हजार १९७ मत पाएका छन् ।

अहिलेसम्म ५ हजार ७७८ मत गणना हुँदा ४४ मत बदर भएको छ । त्यस्तै, पहिचान पक्षका स्वतन्त्र उम्मेदवार डकेन्द्र सिं थेगिमले ५९३ मत पाएका छन् भने राष्ट्रिय स्वतन्त्र पार्टीका मिलन कुमार लिम्वुले ३७९ मत ल्याएका छन् ।

कुल १ लाख १५ हजार ८८९ मतदाता रहेको यो क्षेत्रमा ६९ हजार २ ८७ मत खसेको थियो ।