बीसीसी यूकेको आमा प्रमुखमा जगना निर्विरोध

लण्डन । बुद्धिष्ट कम्युनिटी सेन्टर (बीसीसी) यूकेको आमा प्रमुखमा जगना गुरुङ निर्विरोध निर्वाचित भएकी छन् । उनी गत २४ फेब्रुअरी शनिबार सम्पन्न बीसीसी यूकेको साधारणसभाबाट निर्वाचित भएकी हुन् । यसअघि उपाध्यक्षको जिम्मेवारीमा रहेकी गुरुङले आगामी २ बर्ष नेतृत्व गर्न लागेकी हुन् ।

उक्त नयाँ आमा समूहको उपाध्यक्षमा शारदा गुरुङ, सचिवमा तुल्सी घले, सहसचिवमा पवित्र गुरुङ, कोषाध्यक्षमा सुन्दरी तामाङ, सहकोषाध्यक्ष चन्द्र गुरुङ, प्रोपर्टी मेम्बरमा उषा गुरुङ र सह प्रोपर्टीमा टुक गुरुङ निर्वाचित भएका छन् ।

त्यस्तै, सदस्यहरुमा दुर्गालक्ष्मी गुरुङ, प्रेमकुमारी गुरुङ, डोल्मा शेर्पा, पेदेन डोमा लामा, सविता गुरुङ, दिलु गुरुङ, पुर्ण गुरुङ, आशा तामाङ्ग, पुनम कोने गुरुङ, मिना गुरुङ, पवित्र गुरुङ, जगतमाया गुरुङ, मन्जु (सिता) गुरुङ, बिष्णु गुरुङ, ध्रुव गुरुङ, लिना गुरुङ, मनदेवि गुरुङ, कमला गुरुङ, धनु गुरुङ, मोनिका गुरुङ, मन्जु गुरुङ, रिता गुरुङ, शखी गुरुङ, राधा गुरुङ, विष्णुमाया गुरुङ, रेखा गुरुङ, सम्झना गुरुङ, निलम गुरुङ, अमृता गुरुङ, मनमाया गुरुङ चयन भएका छन् । 

बीसीसी यूकेका पूर्व अध्यक्ष लेप्टन नारायण प्रसाद गुरुङ बिइएमको संयोजकत्वमा प्रमुख सल्लाहकार मेजर खु्शीमान गुरुङ, पूर्व अध्यक्ष नरेश गुरुङ, निवर्तमान अध्यक्ष धर्म तामाङ, आमा सल्लाहकार लालकुमारी गुरुङ सदस्य रहेको निर्वाचन समितिले उक्त नयाँ समिति चयन गरेको हो । 

सो अवसरमा नवनिर्वाचित आमा प्रमुख जगना गुरुङले आफूलाई महत्वपूर्ण जिम्मेवारी प्रदान गरेकोमा धन्यवाद दिंदै आगामी दिनमा सबैको सल्लाह र सुझाव लिएर अगाडि बढ्ने प्रतिवद्धता व्यक्त गरिन् ।

त्यस्तै, निवर्तमान आमा प्रमुख उर्मिला गुरुङले आफ्नो ३ वर्षे कार्यकालमा गरेका विभिन्न कार्य छोटकारीमा जानकारी गराउँदै आफ्नो कार्यसमितिलाई दिएको साथ, सहयोग, सुझाव, सल्लाहका लागि धन्यवाद दिइन् । 

स्मरण् रहोस्, बीसीसी यूके आमा समूहको यसअघि ज्ञानुमाया गुरुङ र पुष्पा गुरुङले अध्यक्षता गरिसकेका छन् भने सन् २०२१ फेब्रुअरीदेखि उर्मिला गुरुङले अध्यक्षता गर्दै आएकोमा गत आइतबारदेखि जगना गुरुङले नेतृत्व लिएकी छन् ।