आइतबार, भदौ २३, २०८१
एशियाली खेलकुदमा चीनको अग्रता कायमै
![](https://www.nepalilink.com/wp-content/uploads/2024/02/horizontal.gif)
![](https://www.nepalilink.com/wp-content/uploads/2020/04/anugraha_810.gif)
रासस/एएफपी
सेप्टेम्बर २९, २०२३
![](https://www.nepalilink.com/wp-content/uploads/2023/09/AP23272426653250.jpg)
जीतपछि पदक ग्रहण गर्दै विभिन्न देशका खेलाडी । तस्बिर- एपी
हाङझाउ, ११ असोज–एशियाली खेलकुद प्रतियोगितामा आयोजक राष्ट्र चीनले शुक्रबार पनि अग्रता कायम गरेको छ । एक सय पाँच स्वर्ण, ६३ रजत र ३२ कास्य पदकसहित आफूलाई पहिलो स्थानमा राख्न चीन सफल भएको छ ।
गणतन्त्र कोरियालाई एक तहपछि छाड्दै जापान दोस्रो स्थानमा उक्लन सफल भएको छ । जापानले २७ स्वर्ण, ३५ रजत र ३७ वटा कास्य पदक जितेको छभने तेस्रो स्थानमा खुम्चिएको दक्षिण कोरियाले २६ स्वर्ण, २८ रजत र ४८ कास्य गरी एक सय दुई पदक जितेको छ ।
बिहीबारको तुलनामा भारतले शुक्रबार केही प्रगति गरेको छ । शुक्रबार चौथो स्थानमा उक्लन सफल भारतीय खेलाडीले देशलाई ०८ स्वर्ण, १२ रजत र १३ वटा कास्य पदक दिलाएर एशियाडमा राष्ट्रको गरिमा बढाएका छन् ।
एशियाडको पछिल्लो पदक तालिकाअनुसार पाँचौ स्थानमा रहेको थाइल्याण्डले ८ स्वर्ण, ३ रजत र ९ कास्य जितेको छभने ७ स्वर्ण, १० रजत र १५ कास्य जितेर बिहीबार चौथो स्थानमा रहेको उज्वेकिस्तान शुक्रबार छैटौ स्थानमा झरेको छ ।
पाँच स्वर्ण, १३ रजत र १८ वटा कास्य पदक हासिल गरेर हङकङ सातौँ स्थानमा छभने ५ स्वर्ण, ६ रजत र ९ कास्यमा कब्जा जमाएर चाइनिज ताइपेइ आठौँ स्थानमा समेटिएको छ ।
त्यसैगरी तीन स्वर्ण, १० रजत र त्यति नै कास्य जितेर इरान नवौँ र ३ स्वर्ण, ६ रजत र ४ कास्य पदक प्राप्त गरी प्रजातान्त्रिक जनगणतन्त्र कोरिया दशौँ स्थानमा छ ।
सम्बन्धित सामग्रीहरू
हाम्रो सिफारिस
ताजा अपडेट्स
ट्रेन्डिङ