नर्दन आयरल्याण्डमा नेपाली नयाँ वर्षको स्वागत, चर्चित कलाकारको प्रस्तुति

लन्डन । नर्दन आयरल्याण्डमा नेपाली नयाँ वर्ष २०८० लाई एक कार्यक्रमसहित स्वागत गरिएको छ ।

नेपाली कम्युनिटी नर्दन आयरल्याडद्वारा बेल्फाष्टमा आयोजित कार्यक्रममा नयाँ वर्षको शुभकामना आदानप्रदान गरिएको छ । सो अवसरमा नेपालबाट आएका चर्चित कलाकारहरुले प्रस्तुति समेत दिए ।

गायक रमेशराज भट्टराई र गायिका सम्झना भण्डारीको सांगीतिक प्रस्तुति रहेको कार्यक्रममा मोडल करिष्मा ढकालले आकर्षक नृत्य देखाएकी थिइन् ।

कम्युनिटीका अध्यक्ष अब्जन आचार्यको अध्यक्षतामा कार्यक्रम भएको थियो । कार्यक्रम सचिव तेज रेग्मीले सञ्चालन गरेका थिए भने उपाध्यक्ष जुना निउरेले स्वागत मन्तव्य दिएकी थिइन् ।

कार्यक्रममा नर्दन आयरल्याण्डका विभिन्न स्थानमा बस्ने नेपालीहरुको सहभागिता थियो ।

त्यसअवसरमा नेपालबाट आएका आमाहरुका साथै प्रस्तुति दिने कलाकारसमेतलाई संस्थाका तर्फबाट सम्मान पनि गरिएको थियो ।