‘भ्यालेन्टाइन डे’ मा आइएमइ लन्डनले ल्यायो विशेष रेट अफर

लन्डन। बेलायतस्थित अग्रणी नेपाली रेमिटेन्स कम्पनी आइएमइ लन्डनले भ्यालेन्टाइन डेका अवसरमा सेवाग्राहीका लागि विशेष योजना ल्याएको छ ।

भ्यालेन्टाइन डे का अवसरमा पैसा पठाउँदा उत्कृष्ट रेटसहितको अफर प्रदान गरिएको कम्पनीले जनाएको छ। जसअनुसार आफ्नो कम्पनीले रेमिटेन्स उद्योगमै उपलब्ध रेटहरुमध्ये सबैभन्दा उच्च रेट प्रदान गरेको आइएमइ लन्डनले दाबी गरेको छ ।

आइएमइ लन्डनले बेलायतभित्र बस्ने ग्राहकहरूलाई संसारभरका सबै भागहरूमा पैसा स्थानान्तरण गर्न सेवाहरू प्रदान गर्दै आएको छ।

कम्पनीले विभिन्न अवसर र चाडपर्वमा प्रचार-प्रसारस्वरूपग्राहकका लागि विभिन्न कार्यक्रमहरु गर्दै आएको छ । हाल भाग्यशाली ग्राहकहरूका लागि ‘आइफोन गिभअवे एन्ड गिफ्ट ह्याम्पर’ योजना पनि लागू गरिएको छ।

आइएमइ लन्डन बेलायतमा दर्ता भएको रेमिटेन्स कम्पनी हो । कम्पनीले सन् २००७ देखि पैसा हस्तान्तरण सेवाहरू उपलब्ध गराउँदै आएको छ। आइएमइ लन्डनलाई बेलायतको एचएमआरसी र एफसिएजस्ता आधिकारिक निकायबाट नियमन गरिएको छ।

कम्पनीको मुख्य कार्यालय लन्डन साउथ ह्यारोको साउथ हिल एभिन्यूस्थित पेन्टाक्स हाउसमा अवस्थित छ।

कम्पनी र यसका सेवासम्बन्धि कुनैपनि पनि जानकारी www.imelondon.co.uk को वेबसाइटमा उपल्ब्ध छ।