यतीको २९ औं अधिवेशन आज

लण्डन। बेलायत र सम्भवत: युरोपकै सबैभन्दा पुरानो नेपाली संस्था यती नेपाली एशोसिएसन यूकेको २९ औं अधिवेशन आज लण्डनमा हुँदैछ।  

ह्यारो फुटबल क्लब (Harrow football Club Earlsmead, Carlyon Ave, Harrow HA2 8SS) मा यतीको औपचारिक अधिवेशन हुनेछ । 

यधपि उक्त अधिवेशनमा निर्वाचन भने गर्नुपर्ने छैन। निर्वाचन अघिनै अध्यक्ष पिपला देवानसहित पुरै कार्यसमिति निर्विरोध भएको छ।

अध्यक्ष पदमा उम्मेदवारी दिएका बाचस्पति रेग्मीले सहमतिका लागि आफ्नो उम्मेदवारी फिर्ता लिएपछि देवान निर्विरोध बनेकी हुन्। देवान संस्थाकी पूर्व अध्यक्ष हुन्।

निर्वाचन समितिका अनुसार १७ सदस्यीय कार्यसमितिका सबै पद निर्विरोध भएको छ। 

पछिल्ला वर्षहरुमा संस्था निष्क्रिय रहेपनि यसपटक यतीको नेतृत्वमा आउन आकर्षण बढेसंगै संस्थाकै इतिहासमा अहिलेसम्मकै सबैभन्दा बढी ६ सय ८७ सदस्य सदस्य बनेका छन्।

निर्वाचन समिति संयोजक उमेशराज मोक्तानका अनुसार अधिवेशनका लागि निर्वाचन समितिबाट गर्नुपर्ने सम्पूर्ण काम पुरा भएको छ ।