मगर संघ यूके मिडल्याण्ड शाखाको नेतृत्वमा प्रेम आले मगर

मगर संघ यूकेकी अध्यक्ष सीता पुन मगरका साथ मिडल्यान्डका नवनिर्वाचित अध्यक्ष प्रेम आले मगर

लण्डन- मगर संघ यूकेको मिडल्याण्ड शाखाले नयाँ नेतृत्व पाएको छ । आइतबार सम्पन्न संस्थाको दोस्रो अधिवेशनले सामाजिक अभियन्ता प्रेम आले मगरको अध्यक्षतामा नयाँ कार्यसमिति निर्वाचित गरेको छ।

सर्वसम्मत निर्वाचित समितिको उपाध्यक्षमा चम्पा थापा र सचिवमा खिम थापा चुनिएका छन्। कार्यसमितिका अन्य पदमा पछि मनोनित गरिने भएको छ।  

नवनिर्वाचित कार्यसमितिका अध्यक्ष मगरसहितका पदाधिकारीलाई मगर संघ यूकेकी अध्यक्ष सीता पुन मगरले खादा ओढाएर बधाई ज्ञापन गरेकी थिइन्।

त्यस अवसरमा अध्यक्ष पुनले नयाँ कार्यसमितिलाई सफलताको शुभकामना दिंदै निवर्तमान समितिका अध्यक्ष टंक मगर र उनको टीमलाई सफल कार्यकालका लागि धन्यवाद दिइन्। उक्त कार्यक्रमको सञ्चालन भीम सारु मगरले गरेका थिए।  

नवनिर्वाचित अध्यक्ष आले विभिन्न संस्थाहरुमा आबद्ध रहेर सामाजिक क्षेत्रमा सक्रिय रहंदै आएका अभियन्ता हुन्। शृजनशिल लेस्टर नेपाल यूकेका पूर्व अध्यक्ष उनी साझा नेपाली समाज यूकेका वर्तमान कार्यसमितिका वरिष्ठ उपाध्यक्ष पनि हुन्।