शिव परियारको गीतमा कुशलले लन्डनमा बनाए भिडियो

लन्डन । लोकप्रिय गायक गायक शिव परियारको स्वर रहेको नयाँ गीत ‘मस्ती मस्ती’ को भिडियो बेलायतबाट सार्वजनिक गरिएको छ।

करिब डेढ दशकदेखि बेलायतमा बसेर सञ्चारकर्मसँगसँगै म्यूजिक भिडियो निर्देशन, छायांकन र सम्पादनमा आफ्नो कुशलता देखाएका निर्देशक कुशल श्रेष्ठकै छायाँकन र सम्पादन रहेको भिडियोमा दुनिया राउत र प्रसेन बिस्टको अभिनय छ ।

‘मस्ती मस्ती’बोलको गीतमा बिरेन्द्र पाठकको शब्द तथा बरिष्ठ संगीतकार सुनील मास्केको संगीत रहेको गीतको भिडियो बेलायतका रमणीय स्थानहरुमा छायाँकन गरिएको हो । भिडियोको निर्देशन संचारकर्मी समेत रहेका युवा निर्देशक कुशल श्रेष्ठले गरेका हुन् ।

थाहै नपाई सुटुक्क प्रेममा परेकाहरुको कथा भिडियोमा छ । उक्त भिडियो इनफोकस नामक युट्युब च्यानल मार्फत सार्वजनिक गरिएको हो ।

म्यूजिक भिडियोः