जीआरएनसीले रिमेम्बरेन्स डे मनाउने

लण्डन। ग्रेटर रशमुर नेपाली कम्युनिटी (जीआरएनसी) ले १२ नोभेम्बर शनिबार ‘रिमेम्बरेन्स डे’ मनाउने भएको छ।

उक्त कार्यक्रम अल्डरशट प्रिन्सेस गार्डेनस्थित भिसी सालिक अगाडि गर्न लागिएको हो ।  

जीआरएनसी अध्यक्ष मान गुरुङले पहिलो र दोस्रो विश्व युद्धमा वीरगति प्राप्त गरेका पुर्खाहरुको सम्झनामा मौनधारण, पुष्पगुच्छा अर्पण, लामा र पण्डितबाट पूजा तथा पाइपरधुन सहित एपिताह पढ्ने कार्यक्रम रहेको जनाए । क्या रि. ग्यारी घले र मेजर रि. खिम गौचनले एपिताह पढ्ने छन् ।  

कार्यक्रममा रशमुर बरो काउन्सिल मेयर काउन्सिलर जोन मार्स,  अल्डरशट ब्यारेक कमान्डर र नेपाली कम्युनिटी लिडरहरु सहभागी हुने पनि अध्यक्ष गुरुङले जनाए ।  

उक्त कार्यक्रम बिहान १०. ४० सुरु भई ११. ०० बजे समापन हुने छ । 

कार्यक्रम संयोजन सल्लाहकार क्या रि. ग्यारी घले र सह  संयोजन मेजर रि. खिम गौचन र महासचिव डा. विशाल गुरुङले गरेका छन्।