भ्रमपूर्ण हल्लाप्रति गम्भीर ध्यानाकर्षण

सीता राई आङदेङ्बे

केही दिनयता सामाजिक सञ्जालमा मेरो नाम जोडेर मैले भूतपूर्व गोर्खा दम्पत्तिको बेनिफिट हिनामिना गरेको भन्नेजस्ता भ्रमपूर्ण हल्ला फैलाइएको प्रति मेरो गम्भीर ध्यानाकर्षण भएको छ ।

हो, भक्तबहादुर राई र उहांकी धर्मपत्नी रणकुमारी राई मेरो रेखदेखमा यूके फेल्थाममा केही वर्ष संगै बस्नुभएको थियो । दुर्भाग्यवश बुबा भक्त राई बित्नुभयो । तर, मैले उहांहरुको हेरचाह गरेवापत स्थानीय काउन्सिलबाट ठूलो रकम बेनिफिट लिएको भन्ने हल्ला सरासर गलत र निराधार छ । बेलायत सरकारले प्रदान गर्ने सेवा सुविधा तेश्रो व्यक्तिले यति सजिलै निकालेर हिनामिना गरयो भन्नु नै मुर्खता हो ।

आमा रणकुमारी राई र उहांको सन्तानसंग मेरो आत्मिय र पारिवारिक सम्बन्ध छ । तर, मेरो व्यक्तिगत प्रतिष्ठामा समेत आंच आउने गरि फैलाइएका यस्ता भ्रामक अफवाहलाई मैले गम्भीर रुपमा लिएको छु र आगामी दिनमा पनि यस्तो गलत सूचना फैलाए त्यस्ता व्यक्तिविरुद्ध साइबर क्राइममा प्रहरी समक्ष जान र कानूनी उपचारका लागि अदालती प्रक्रिया शुरु गर्न समेत वाध्य हुने जानकारी यसै स्टाटसमार्फत दिन चाहन्छु । यस्ता स्टाटस राख्न जो संलग्न छन्, उनीहरुलाई तुरुन्त हटाउन पनि म माग गर्दछु ।

सीता राई आङदेङ्बे, लन्डन फेल्थाम

(एडभर्टोरियल कन्टेन्ट)