युक्रेनले विस्फोट गराएको क्राइमिया पुल जुलाई २०२३ सम्म मर्मत 
गर्न आदेश

तस्विर एएफपी

मस्को,२८ असोज–रुसी सरकारले रुसको मुख्य भूमिलाई संलग्न प्रायद्वीपसँग जोड्ने मस्कोको एक मात्र पुल विस्फोटबाट क्षतिग्रस्त भएपछि क्राइमिया पुलको मर्मत जुलाई २०२३ सम्ममा सम्पन्न गर्न आदेश दिएको छ।

मन्त्रिपरिषद्ले प्रधानमन्त्री मिखाइल मिशुस्टिनले हस्ताक्षर गरेको आदेशमा ‘क्राइमियन पुलको यातायात र इन्जिनियरिङ पूर्वाधारको ध्वस्त तत्वहरूको डिजाइन र पुर्नस्थापना’ को जिम्मेवारी दिइएको कम्पनीलाई जुलाई १, २०२३ सम्ममा काम सम्पन्न गर्न आदेश दिएको छ ।

रुसी राष्ट्रपति भ्लादिमिर पुटिनले युक्रेनलाई रुस-क्राइमिया जोडिने पुलमा हमला गरेको आरोप लगाउँदै त्यसलाई ‘आतङ्कवादी कार्य’ बताएका थिए।