‘सोसल गिफ्टिङ’ सुविधा ल्याउँदै सगुन
गोविन्द गिरी
![](https://www.nepalilink.com/wp-content/uploads/2024/02/horizontal.gif)
![](https://www.nepalilink.com/wp-content/uploads/2020/04/anugraha_810.gif)
![](https://www.nepalilink.com/wp-content/uploads/2020/06/EF55995B-59DC-4290-8C92-E5EEC657E681.jpeg)
सगुनका संस्थापक गोविन्द गिरी
यदि कसैले एक सोसल मेडिया एपमार्फत आफ्ना प्रियजनलाई गिफ्ट बांडेर उल्टो आफू पनि पैसा कमाउन सकिन्छ भन्यो भने तपाईंलाई कस्तो लाग्नेछ ? पक्कै आश्चर्यजक । तर, अब छिट्टै सगुन मार्फत उक्त सेवा आउनेछ ।
विश्वमा बढ्दो समाजिक सञ्जालको प्रयोगलाई उत्पादशील बनाउने अवधारण सहित सगुनले उक्त सेवा विकास गरेको हो ।
प्रायजसो समाजिक सञ्जालको प्रयोगले मानिसहरुबीच ईष्र्या र नकारात्मक भावना मात्र फैलाउने भएकाले सगुनका संस्थापक गोविन्द गिरीले आफन्त तथा साथीभाइबीच सुमधुर र अर्थपूर्ण सम्बन्ध कायम गर्न सगुन कल्पना गरेका थिए ।
यसै बीचमा उनले आफ्नै जीवनका अनुभवलाई समेटी सगुनमा ‘गिफ्टिङ’ को सुविधा पनि ल्याउने भएका छन् ।
अमेरिकामा धेरै व्यक्तिहरुले गिफ्ट कार्ड खरिद गर्ने र बांड्ने चलन छ । हामी आफैं पनि त्यस्ता गिफ्ट कार्ड खरिद गरी आफूलाई नचाहिने हुंदा अरुलाई दिने गछौं ।
उत्तर अमेरिकामा यसलाई गिफ्ट सर्टिफिकेट, वा गिफ्ट भौचर वा गिफ्ट टोकन पनि भनिन्छ । गिफ्ट कार्ड नगदको विकल्पका रूपमा प्रयोग गर्ने गरिन्छ जुन प्राय बैंक र रिटेल पसलहरुले बांड्ने गर्छन् ।
गिफ्ट कार्डहरू अमेरिकामा व्यवसायीहरुले ग्राहकलाई आफ्नो पसलमा आकर्षित गर्न प्रयोग गर्छन् । अमेरिकी एक्सप्रेस, मास्टरकार्ड र भिसाले जेनेरिक गिफ्ट कार्ड प्रदान गर्दछ । जुन कुनै पनि पसलमा ‘रिडिम’ गर्न सकिन्छ र क्यासब्याक मार्केटिङ रणनीतिहरूका लागि व्यापक रूपमा प्रयोग गरिन्छ ।
प्राय गिफ्ट कार्डहरू कहिलेसम्म प्रयोग गर्न मिल्ने भनेर म्याद तोकिएको हुन्छ जसभित्र उक्त कार्ड प्रयोग नगरे त्यसको कुनै मुल्य रहंदैन् । खरिदकर्ताको दृष्टिकोणबाट गिफ्टकार्ड एकदमै राम्रो उपहार हो ।
संयुक्तराज्य अमेरिकामा गिफ्ट कार्ड अत्याधिक लोकप्रिय छ । किनकि नगद वा केही चिज उपहार दिनुको सट्टा गिफ्टकार्ड दिए गिफ्ट पाउने पनि खुशी र गिफ्ट दिने पनि खुशी ।
सन् २०१६ मा मात्र अमेरिकामा लगभग ८० अर्ब डलरको गिफ्ट कार्ड खरिद भएका थिए । धेरैजसो गिफ्ट कार्डहरु प्रयोग नै नगरि काम नलाग्ने हुन्छन् । त्यसै कारण यसरी गिफ्ट कार्ड खेर फाल्नुको सट्टा त्यसलाई डिजिटाइज गरेर एकै ठाउंमा राखिन्छ ।
बांड्न मिल्ने सुविधा लिएर आए राम्रो हुने भएकाले सगुनलाई सोसल स्मार्ट कार्डमार्फत एक गिफ्टिङ सोसल मिडियाका रुपमा विकास गर्ने योजनामा संस्थापकहरु लागिपरेका छन् ।
दक्षिण एसियामा गिफ्टिङ बजार विशाल छ जुन सगुनको सोसल स्मार्ट कार्डका साथ प्रयोग गर्न सकिन्छ । सगुनको सोसल स्मार्ट कार्ड प्रयोगकर्ताहरूको सबै किनमेल र उपहारका आवश्यकता पुरा गर्ने डिजिटल कार्ड हो ।
यो सगुन प्रयोगकर्तालाई पैसा कमाउन, गिफ्ट कूपन प्रयोग गर्न र आफ्ना प्रियजनहरुलाई उपहार दिन प्रयोग हुनेछ ।
धेरै गिफट कार्ड राख्नुभन्दा एउटै स्मार्ट कार्ड राखेर सगुनका प्रयोगकर्ताले आधिकारिक साझेदारहरुबाट फाइदा लिन सक्नेछन् । सगुनमार्फत यत्तिकै खेर जाने गिफ्ट कार्डहरू उपहारको रूपमा प्रयोग गर्न सकिन्छ ।
सगुनले उपहार दिनेलाई क्यासब्याक दिनेछ जसले गर्दा गिफ्ट दिने र पाउने दुवैका लागि एक ‘वीन-वीन’ अवस्था बनाउंछ ।
सगुनले आफ्नो सोसियल स्मार्ट कार्डलाई अब चांडै प्रयोगमा लिएर आउने भएको छ । सगुनमा प्रोफाइल बनाउंदा र सगुनमा आवद्ध भएपछि सगुन प्रयोगकर्ताले निशुल्क रुपमा स्मार्ट कार्ड पाउंछन् ।
उक्त स्मार्ट कार्ड पाएपछि सगुनमा खाता भएका प्रयोगकर्ताहरुले आफ्नो साथीभाई वा परिवारलाई उपहार र गिफ्ट कार्ड खरिद गरेर दिनसक्ने अवधारणा पनि छ ।
सबै सगुन स्मार्ट कार्ड प्रयोगकर्ताहरुले आफूले किनेको वस्तुमा निश्चित प्रतिशत रकम फिर्ता पाउने गरी व्यवस्था गर्ने योजना लिइएको छ ।
सगुनले यस्ता नयां परिवर्तनमार्फत सोसल मिडिया क्षेत्रमा नयां उर्जा र जोश दिएको छ । यी नयां फिचरहरुका साथ सगुन निश्चित रूपले सम्पूर्ण सोसल मिडियाको क्षेत्रमा अब्बल बनेर निस्किने देखिन्छ । लगानीकर्ताहरू आउंदो दिनमा सगुनको सफलताबारे निश्चित देखिएका छन् ।