न्यूजिल्याण्डमा डुंगा र ह्वेल ठोक्किँदा २ को मृत्यु, ३ बेपत्ता   

फाइल फोटो

वेलिङ्टन–न्यूजिल्यान्डको काइकोरामा रहेको गुज बेमा शनिबार बिहान एउटा ह्वेल माछासँग ठोक्किएर ११ जना सवार रहेको माछा मार्ने डुंगा पल्टिएको छ ।

प्रहरीले दुई जनाको मृत्यु भएको पुष्टि गरेका छन् भने तीन जना अझै बेपत्ता छन् । त्यसैगरी अन्य छ जनाको भने उद्धार गरिएको छ ।

उद्धार हेलिकप्टर, डुंगा टोली र स्वयंसेवकहरूको एक घण्टा लामो उद्धार प्रयासपछि अहिले उक्त डुंगा किनारामा तानिएको छ तर तीनजना यात्रु अझै फेला परेका छैनन्।

काइकोउरा एउटा सानो तटीय शहर हो जुन न्यूजिल्याण्डको दक्षिण टापुमा ह्वेल अवलोकनका लागि प्रसिद्ध छ । दुर्घटनाको कारण भने खुल्न सकेको छैन् ।