कांग्रेस नेता गिरीको निधन

काठमाडौं। नेपाली कांग्रेसका लोकप्रिय नेता प्रदीप गिरीको निधन भएको छ। ललितपुरको नख्खुस्थित मेडिसिटी अस्पतालमा उपचारका क्रममा शनिबार राति ९:३६ मा उनको निधन भएको अस्पताल स्रोतले जनाएको छ। 

७५ वर्षका गिरी प्रतिनिधिसभा सदस्य समेत थिए। केही वर्षदेखि घाँटीको क्यान्सरबाट पीडित उनलाई पछिल्लो समय निमोनिया भएको थियो। शुक्रबार उनलाई भेन्टिलेटरबाट निकालेर आइसीयूमा राखिएको थियो ।

यसअघि लामो समय भारतमा उपचार गराएर फर्किएका गिरी फेरि स्वास्थ्यमा समस्या देखिएपछि तीन साताअघि अस्पताल भर्ना भएका थिए।