जीआरएनसीको सांगीतिक साँझमा रमे दर्शक

लण्डन-ग्रेटर रसमुर नेपाली कम्युनिटी (जीआरएनसी) ले ९  जुलाई शनिबार इम्पायर हल अल्डरसटमा एक सांगीतिक साँझ आयोजना गरेको छ । 

बेलुकी ७:३० देखि ११:३० बजेसम्म आयोजित उक्त साँझमा जीआरएनसीको निमण्त्रणामा नेपालबाट आएका कलाकारहरु हाँस्य कलाकार निर आले, नृत्यांगना रीना थापा मगर, दोहोरी गायिका शान्ति रानी परियार र दोहोरी गायक रन बहादुर थापा (बिलन) ले आफ्नो कला प्रस्तुत गरे । 

सदस्य सुष्मा गुरुङले संचालन गरेको औपचारिक कार्यक्रममा संयोजक उपाध्यक्ष उत्तरबहादुर गुरुङले ‘हेल्थ एन्ड सेफ्टी ब्रिफ’ र स्वागत मन्तब्य दिएका थिए । 

अध्यक्ष मान गुरुङले ‘भिक्टोरिया डे’ मा भाग लिने संस्थाका प्रमुखहरुलाई सर्टिफिकेट र अतिथी कलाकारलाई पुष्पगुच्छा दिएर सम्मान गरे । 

कलाकार रिना थापा मगरले पनि अध्यक्षलाई मायाको चिनो दिइन् ।

उक्त कार्यक्रम सफल बनाउन संस्कृतिक सहसचिव विमल गुरुङ, टिकटमा कोषाध्यक्ष श्याम श्रेष्ठ र जगना गुरुङ, हल प्रायोजन पुरन गिरी, राज कुमार गुरुङ र नारायण गिरी, डिजे गोल्डी, फोटोग्राफर शंकर (इजरा) श्रेष्ठ, सेक्यूरिटीमा भुवानी प्रसाद गुरुङ र उपाध्यक्ष लिला सेलिङ माबो आदिले सहयोग गरेका थिए ।   

उक्त कार्यक्रमबाट वचत रकम अत्यावश्यक मानवीय कार्यमा खर्चिने संस्थाले जनाएको छ । कार्यक्रममा वृद्धवृद्धालाई ५० प्रतिशत छुट दिइएको थियो।