ताइवानले स्वतन्त्रता घोषणा गरे युद्ध सुरु गर्ने चीनको चेतावनी

चिनिया सैनिक सैन्य अभ्यासका क्रममा । फाइल फोटो

सिंगापुर, २७ जेठ-ताइवानले स्वतन्त्रता घोषणा गरे बेइजिङले ताइवानमाथि युद्ध सुरु गर्ने चीनले चेतावनी दिएको छ ।

चिनियाँ रक्षा मन्त्रीले अमेरिकी समकक्षीसँग शुक्रबार पहिलो पटक भएको प्रत्यक्ष वार्तामा चेतावनी दिँदै बेङजिङले ताइवानविरूद्ध युद्ध घोषणा गर्न सक्ने बताएका हुन् ।

“यदि कसैले ताइवानलाई चीनबाट विभाजन गर्ने आँट गर्छ भने लागत जस्तोसुकै भएपनि चिनियाँ सेनाले युद्ध सुरु गर्न पक्कै हिचकिचाउने छैन,” लोइड अस्टिनसँगको बैठकमा रक्षामन्त्री वे फेन्घेले राखेको भनाइ उद्धृत गर्दै वु कियानले भने ।

चिनियाँ रक्षा मन्त्रालयका अनुसार चीनले ‘ताइवान स्वतन्त्रता’ को बहानामा हुने चीनविरोधी षड्यन्त्रलाई नष्ट गर्ने र मातृभूमिको एकीकरणलाई दृढतापूर्वक समर्थन गर्ने प्रतिज्ञा गरिएको जनाएको छ ।

ताइवान चिनियाँ भूमि भएको जोड दिँदै चीनविरूद्ध ताइवानको प्रयोग कहिल्यै विजयी नहुन नसक्ने चिनियाँ रक्षा मन्त्रालयले बताएको छ ।

अमेरिकी रक्षामन्त्रालयले बताएअनुसार सिंगापुरमा भएको वार्ताको क्रममा अस्टिनले आफ्नो चिनियाँ समकक्षीलाई बेइजिङले ‘ताइवानतर्फ थप परिवर्तन गर्ने कार्यहरूबाट अलग रहनुपर्छ’ भनेका थिए ।