सुनखानी कामदारहरूबीच झडप हुँदा कम्तीमा १०० को मृत्यु

चाडका रक्षामन्त्री घट्नाबारे जानकारी दिंदै ।

एन जामेना, १६ जेठ–उत्तरी चाडमा सुन खानीमा कार्यरत कामदारहरू बीचको झडपमा करिब १०० जनाको मृत्यु भएको रक्षा मन्त्री जनरल दाउद याया ब्राहिमले सोमबार बताएका छन्।

मे २३ मा लिबियाको सिमाना नजिक कोरी बोगौदीमा हिंसा भड्किएर घटनाले ठूलो रूप लिदा करिब १०० जनाको मृत्यु भएको छ भने कम्तीमा ४० जना घाइते भएका छन्।

उक्त झडप चाडको राजधानी एनजामेनाबाट करिब १,००० किलोमिटर (६०० माइल) मध्य सहाराको तिबेस्ती पर्वतमा भएको थियो।

त्यस क्षेत्रमा सुनको खोजी चाड र छिमेकी देशहरूबाट आएका खानी कामदारहरुबीच अक्सर तनाव र झडप हुने गर्दछ ।

झडप मौरिसियन र लिबियालीहरूबीच भएको मन्त्रीले बताएका छन् । उनले एएफपीसँग यस क्षेत्रबाट फोनमा कुरा गर्दै जहाँ सो जानकारी दिएका हुन् ।

‘यस क्षेत्रमा सुन खानी कामदारहरूबीच हिंसा भएको यो पहिलो घटना होइन र हामीले अर्को सूचना नआएसम्म कोरीमा सबै सुन खानीको उत्खननको कार्य स्थगन गर्ने निर्णय गरेका छौं’, उनले भने।

यस क्षेत्रका बहुसंख्यक खानीहरू अवैधरूपमा सञ्चालित छन् ।