प्रधानमन्त्री ओलीद्वारा विज्ञसँग परामर्शको तयारी

फाइल फोटो 

काठमाडौँ। कोरोना महामारीका कारण देशको अवस्था नाजुक बन्दै गएपछी प्रधानमन्त्री केपी शर्मा ओलीले विज्ञहरूसँग परामर्शका गर्न लागेका छन् ।

आज ४ बजे प्रधानमन्त्री निवास बालुवाटारमा विभिन्न क्षेत्रका विज्ञ तथा विशेषज्ञहरूसँग यस्तो परामर्श बैठक तय गरिएको बताइएको छ ।

दैनिक रुपमा कोरोना संक्रमणको संख्या बढ्दै गएको अवस्थामा प्रधानमन्त्रीले विज्ञहरुसंग छलफल गर्न लागेका हुन् ।

यसैगरि जारी लकडाउनको मोडालिटी लगायतका  विषयमा छलफल गर्न आजै मन्त्रिपरिषद्को बैठक बस्ने भएको छ ।

मन्त्री परिषद्को बैठक प्रधानमन्त्रीनिवास बालुवाटारमा बस्ने भएको छ । आज अपरान्ह बस्ने बैठकमा पनि लकडाउनको मोडालिटी लगायतका विषयमा छलफल गरिने सम्भावना रहेको छ ।