कंडेललाई एनआरएनए यूके कार्यवाहक अध्यक्षको जिम्मेवारी

लन्डन- एनआरएनए यूकेमा उपाध्यक्ष नारायण कंडेलले कार्यवाहक अध्यक्षको जिम्मेवारी पाएका छन् । 

अहिले बेलायतबाहिर रहेका अध्यक्ष प्रेम गाहा मगरले आफ्नो अनुपस्थितिमा कार्यवाहक अध्यक्षको जिम्मेवारी कंडेललाई सुम्पिएका हुन् । 

प्रवक्ता भरत लिम्बूद्वारा बिहीबार जारी एक वक्तव्यमा अध्यक्ष गाहामगरले उपाध्यक्ष नारायणदत्त कंडेललाई कार्यवाहक अध्यक्षको रुपमा कार्य गर्न जिम्मेवारी दिएको जनाइएको छ । 

‘अध्यक्ष श्री प्रेम गाहा मगर हाल विशेष कारणले बेलायत बाहिर रहनुभएकोले आफ्नो अनुपस्थितिमा गैरआवासीय नेपाली संघ यूकेका दैनिक क्रियाकलापको संचालनार्थ कार्यसमितिका उपाध्यक्ष श्री नारायणदत्त कंडेललाई आज मिति २१ अप्रिल २०२२ देखि लागु हुने गरी कार्यवाहक अध्यक्षको जिम्मेवारी प्रदान गर्नुभएको हो’, वक्तव्यमा छ।