प्रवासमा पनि मनाइंदै पृथ्बी जयन्ती

क्यानडा । क्यानडामा ३०० औं पृथ्बी जयन्ती तथा राष्ट्रिय एकता दिवस मनाइने भएको छ ।  

‘भर्चुअल’ हुने उक्त कार्यक्रममा क्यानडा, अमेरिका, नेपालबाट मुख्य वक्ताहरु सहभागी हुने आयोजक अनिल थापाले जानकारी दिए । 

मङ्गलबार अर्थात् ११ जनवरी पूर्वीय समय अनुसार साँझ आठ बजे (नेपालमा बुधबार बिहान ७ बजे) आयोजना हुने कार्यक्रममा प्रमुख बक्ता राष्ट्रिय प्रजातन्त्र पार्टीका अध्यक्ष राजेन्द्र लिङ्ग्देन रहने छन् ।  

त्यस्तै अन्य बक्ताहरुमा डा. सुरेन्द्र केसी, डा. प्रेम सिङ बस्न्यात, नरबहादुर टन्डन, कृष्ण काफ्ले, रमा सिंह, ज्ञानेन्द्र गदाल, अभिमन्यू बस्नेत, मिङ्ग्मार नोर्गे शेर्पा, नवीन रायमाझी, अमृता साह र रबिमान सिङ बस्न्यात हुने जनाइएको छ ।

कार्यक्रम आयोजक थापाका साथै सिता संग्रौला पनि रहनेछिन् । उक्त कार्यक्रमलाई इनेपलिज डट कमबाट लाइभ गरिने छ ।