कांग्रेस सभापतिमा देउवालाई प्रारम्भिक अग्रता

काठमाडौं । नेपाली कांग्रेसको सभापतिका लागि भएको निर्वाचनको अहिले मतगणना जारी छ ।  

राष्ट्रियसभा भइरहेको मतगणनामा शेरबहादुर देउवालाई प्रारम्भिक अग्रता मिलेको छ । 

पहिलो २ सय ५० मत गणना गर्दा देउवाले १ सय ३२ मत पाएका छन् । त्यस्तै,  डा. शेखर कोइरालाले ८१,  विमलेन्द्र निधिले १२, प्रकाशमान सिंहले २२ र कल्याण गुरुङले एक मत पाएका छन् ।

कांग्रेस सभापतिमा निर्वाचित हुन खसेको मतको ५१ प्रतिशत अर्थात् २३ सय ४० मत आवश्यक हुन्छ । पहिलो चरणमा कुनै उम्मेद्वारले उक्त मत ल्याउन नसके बढी मत पाउने दुई उम्मेद्वारबीच दोस्रो चरणमा फेरि मतदान गराइनेछ ।