अमेरिकी राष्ट्रपति बाइडेन र रूसी राष्ट्रपति पुटिनले गरे वार्ता

वासिङटन । अमेरिकी राष्ट्रपति जो बाइडेन र रूसी राष्ट्रपति भ्लादिमिर पुटिनबीच युक्रेन समस्या समाधानका लागि छलफल भएको छ ।

अमेरिकी राष्ट्रिय सुरक्षा सल्लाहकार ज्याक सलीभेनले दुई नेताबीच छलफल भएको पुष्टि गरे ।

सलीभेनका अनुसार सम्मेलनमा बाइडेनले युक्रेनको सार्वभौमिकता र भूखण्डको अक्षुण्णतालाई समर्थन गर्ने अमेरिकाको अडानलाई दोहोर्‍याएका थिए । युक्रेनलाई अतिरिक्त प्रतिरक्षात्मक प्रबन्ध उपलब्ध गराउने योजना अमेरिकाको छ ।

रूसी राष्ट्रपतिको प्रेस वेबसाइटमा पनि पुटिन र बाइडेनबीच बुधबार वार्ता भएको जानकारी गराइएको छ । 

भिडियो वार्तामा दुवै देशका नेताहरूले निरन्तर रूपमा सन् २०२१ को जुन महिनामा सम्पन्न भएको जेनेभा भेटवार्ताको उपलब्धिलाई व्यवहारमा उतार्दै जाने विषयबारे चर्चा भएको पनि बताइएको छ ।