बेलायतमा कोरोना संक्रमितको संख्या ७० लाख नाघ्यो

लन्डन–बेलायतमा कोरोना भाइरसका संक्रमितको सङ्ख्या ७० लाख पुगेको छ । कोरोना भाइरस संक्रमण शुरु भएदेखिको सङ्ख्या मंगलबार ७० लाख पुगेको हो ।

बेलायतमा हिजोमात्र एकैदिन कोरोना भाइरसका ३७ हजारभन्दा बढी संक्रमित फेला परेका थिए । यहाँ केही दिनयता भाइरसका संक्रमित थपिने क्रम बढ्दै गएको छ ।

यसैगरी यहाँ गएको २४ घन्टामा ४१ हजार नयाँ संक्रमित थपिएको पनि जनाइएको छ । यहाँ हालैका दिनहरुमा कोरोनाकै कारण निधन हुने व्यक्तिको सङ्ख्या पनि बढ्दै गएको छ ।

यहाँ यो भाइरसबाट एक लाख ३३ हजारभन्दा बढी व्यक्तिको निधन भइसकेको छ । यहाँ पछिल्लो समयमा लकडाउन खुला गरिएको र त्यसपछि पनि भाइरसको संक्रमण बढ्दै गएको पाइएको छ ।