एनआरएनए अमेरिकाको अध्यक्षमा बुद्धिसागर सुवेदी

अमेरिका–गैरआवासी नेपाली संघ (एनआरएनए) अमेरिकाको अध्यक्षमा बुद्धिसागर सुवेदीले कुल मतको ३६.१७ प्रतिशत भोट ल्याएर विजयी भएका छन् ।

५ हजार ६१८ मत प्राप्त गरेर सुवेदी  सन् २०२१-२३ का लागि निर्वाचित भएका हुन् । सुवेदी आफ्ना प्रतिस्पर्धी कृष्ण लामिछानेलाई ४१८ मतले पछि पार्दै अध्यक्षमा विजयी भए ।

लामिछानेले ५ हजार २ सय मत प्राप्त गरेका छन् । शनिबार र आइतबार भएको मतदानमा ७८ दशमलव ३२ प्रतिशत मत खसेको थियो । मतदानका लागि कुल २०१३८ मतदाता रहकोमा १५७६८ ले मतदान गरेका थिए ।