नेपालमा थप ४ हजार ४८७ जनामा संक्रमण

काठमाडौं । नेपालमा थप चार हजार ४८७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । बितेको २४ घन्टामा १४ हजार ७५२ जनामा कोरोना परीक्षण गरिएको थियो ।

नेपालमा कोरोना संक्रमितको कुल संख्या ५ लाख ५३ हजार ४२२ पुगेको छ । पछिल्लो २४ घन्टामा थप ११६ जना संक्रमितको निधन भएको मन्त्रालयले जनाएको छ ।

हालसम्म नेपालमा कोरोनाबाट मृत्यु हुनेको संख्या ७ हजार १६३ पुगेको छ ।

यसैगरी २४ घन्टामा ६ हजार ८० जना कोरोना संक्रमित निको भएको मन्त्रालयले जानकारी दिएको छ । यससंगै निको हुनेको कुल संख्या ४ लाख ३४ हजार ७५० पुगेको छ ।

हाल देशभर सक्रिय संक्रमितको संख्या १ लाख १५ हजार ५०९ छ ।