श्रीलंकामा चिनियाँ खोपलाई अनुमति
![](https://www.nepalilink.com/wp-content/uploads/2024/02/horizontal.gif)
![](https://www.nepalilink.com/wp-content/uploads/2020/04/anugraha_810.gif)
कोलम्बो । श्रीलंकामा पनि चिनियाँ खोप प्रयोगका लागि शनिबार अनुमति दिइएको छ । श्रीलंकाको राष्ट्रिय चिकित्सा नियमक निकायले चीनमा विकास र उत्पादन गरिएको सिनोफार्म खोपलाई प्रयोगका लागि अनुमति दिएको हो ।
यो खोप आपत्कालिन अवस्थामा मात्रै प्रयोग गर्न सकिने भनेर अनुमति दिइएको अधिकारीहरुले जनाएका छन् ।
नियमक निकायले अनुमति दिएकाले अव त्यसको आपूर्ति तथा व्यवस्थापनको काम अगाडि बढाइने श्रीलंकाका उत्पादन, आपूर्ति तथा नियमन राज्यमन्त्री चन्ना जयसुमनले जानकारी दिए ।
श्रीलंकामा प्रयोगका लागि अनुमति पाउनेमा सिनोफार्म तेस्रो खोप हो । यसअघि अस्ट्राजेनिका र स्पुटनिक भीले अनुमति पाएका थिए ।
श्रीलंकाले अहिले खोप अभियान व्यापक रुपमा चलाइरहेको छ । गत फेब्रुअरी मध्यदेखि सुरु भएको खोप अभियान अन्तर्गत सबैभन्दा पहिला अग्रपंक्तिमा खटिएकाहरुलाई खोप लगाइएको थियो । उनीहरुलाई अस्ट्राजेनिका खोप लगाइएको हो ।
अस्ट्राजेनिकाको खोप श्रीलंकाले भारतबाट ल्याएको हो । गत जनवरी र फेब्रुअरीमा खोप ल्याइएको थियो । विश्व स्वास्थ्य संगठनको कोभ्याक्स सुविधाअन्तर्गत दुई लाख ६४ हजार मात्रा खोप श्रीलंकाले पाएको छ । अहिले ६० वर्षभन्दा बढी उमेरका नागरिकलाई खोप लगाउन थालिएको अधिकारीहरुले जनाएका छन् ।