फरक किसिमले सक्षम हामी

मन्जु भण्डारी

फरक किसिमले सक्षम हामी
असक्षम त छँदै छैनौं

हामी पनि पौरखका पहाडहरु चढ्न सक्छौँ
हामी पनि साहसका सप्तकोशीहरु तर्न सक्छौँ

उस्तै त हो चाहना हाम्रो पनि
भावना सबै उस्तै छ
उद्देश्य र आवश्यकता जीवनपथको
शृंखला पनि उस्तै छ

त्यो आकाशको जूनलाई सोध
हामीमा उत्साह कति छ
यो धर्तीको चट्टानमा खोज
हामीमा धैर्य कति छ

देउ समान अवसर हामीलाई
लक्ष्यको शिखर चुम्न सक्छौँ
मिलाउ विश्वासका हातसित तिम्रो उत्साह
हाँसेर सङ्गै झुम्न सक्छौँ

अंग कुनै अशक्त होलान्
व्यक्तित्व हाम्रो सशक्त छ
उमंग आशा जगाई राख्ने
कर्मको जिम्मा परिपक्व छ

फरक किसिमले सक्षम हामी
असक्षम त छँदै छैनौं !
हाल लन्डन