युरोपको समर्थनले उत्साहित आइसीसी अध्यक्ष उम्मेदवार थर्क सेन



डेनमार्क
लन्डन- गैरआवासीय नेपाली संघ (एनआरएनए) को आसन्न एकता महाधिवेशनमा अध्यक्ष पदको उम्मेदवारी घोषणा गरेका बेलायतस्थित अभियन्ता थर्क सेन आफ्नो पक्षमा समर्थन जुटाउन सक्रिय बनेका छन् ।
गतसाता युरोपका तीन देशको भ्रमण गरेका उनले स्थानीय एनआरएनए अभियन्ताहरुबाट प्राप्त समर्थनले थप उत्साहित बनेको बताए ।
बेल्जियम, पोर्चुगल र डेनमार्कका एनआरएनए अभियन्ताहरु भेटेर लन्डन फर्किएका सेनले नेपालीलिंकसंग भने, ‘युरोप भ्रमणबाट म झन् उत्साहित बनेको छु । संस्थाको नेतृत्वमा रहेर सेवा गर्ने मेरो आकांक्षाप्रति साथीहरुले दिनुभएको समर्थन र हौसलाले मलाई अगाडि बढ्न प्रेरित गरेको छ।’
युरोपका एनआरएनए अभियन्ताहरुले अबको नेतृत्वले एनआरएनएभित्रको एकताका लागि काम गर्नुपर्ने अवस्था रहेको र त्यसका लागि हालसम्म कुनै विवादमा नफसेको तथा सबैसंग मिलेर काम गर्न सक्ने व्यक्तित्वका रुपमा सेनलाई समर्थन गर्ने बताएका थिए।
एनआरएनए आइसीसीको वर्तमान कमिटीमा वरिष्ठ उपाध्यक्ष रहेका सेनले आगामी मे पहिलो साता काठमाडौंमा हुने एकता महाधिवेशनबाट चुनिने कमिटीका लागि अध्यक्ष पदको उम्मेदवारी घोषणा गरेका छन्।
आफ्नो उम्मेदवारीका पक्षमा माहोल बनाउन यसअघि नै मध्यपूर्वका केही देश पुगेर आइसकेका सेन महाधिवेशनअघि अन्य केही देशहरु पुग्ने तयारीमा छन्।
यो पनि पढौं: यो पनि पढौं एनआरएनए आइसीसी अध्यक्षमा बेलायतबाट थर्क सेनको उम्मेदवारी घोषणा

बेल्जियम

पोर्चुगल
सम्बन्धित सामग्रीहरू
हाम्रो सिफारिस

बेलायतको पृथक नेपाली संस्था जसको प्राथमिकता छ पुस्तान्तरण, च्यारिटी र वेलबिइङ (भिडियो)
- १
- २
- ३
- ४
- ५