पोखरा भ्रमण वर्ष उद्घाटनका क्रममा जले उपप्रधान तथा अर्थमन्त्री, अस्पताल भर्ना

काठमाडौं– पोखरा भ्रमण वर्ष, २०२५ उद्घाटनका क्रममा आगोको ज्वालाले बेलुन फुट्दा घाइते भएका उपप्रधान तथा अर्थमन्त्री विष्णुप्रसाद पौडेल र पोखरा महानगर प्रमुख धनराज आचार्य अस्पताल भर्ना भएका छन् ।

दुवैलाई हेलिकप्टरबाट काठमाडौं ल्याएर कीर्तिपुरस्थित बर्न अस्पतालमा उपचार सुरु भएको छ ।

अर्थमन्त्री पौडेलको हात र मेयर आचार्यको अनुहारको केही भाग तथा कपाल जलेको बताइएको छ ।

रिमोर्टबाट दीप प्रज्वलनपछि बेलुन उडाउने क्रममा आगोको ज्वालाले बेलुनमा टिपेपछि ठूलो आवाजसहित बेलुन पड्किएको थियो।

सोही क्रममा ड्यासमा रहेका अतिथीहरु जलेका थिए ।

पोखरा भ्रमण वर्ष २०२५ को औपचारिक घोषणा समारोहमा अर्थमन्त्री विष्णुप्रसाद पौडेल, संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेलगायत । तस्वीर- वासुदेव पौडेल/रासस