बेलायती राजपरिवार सदस्यको भ्रमण अघि राजदूतले भेटे प्रधानमन्त्री

प्रधानमन्त्री ओलीसँग भेट गर्दै नेपालका लागि बेलायतका राजदूत रोब फेन। तस्बिर- प्रधानमन्त्रीको निजी सचिवालय

काठमाडौँ, माघ ८ गते। प्रधानमन्त्री केपी शर्मा ओलीसँग नेपालका लागि संयुक्त अधिराज्य (यूके) का राजदूत रोब फेनले आज शिष्टाचार भेट गरेका छन्।

प्रधानमन्त्री तथा मन्त्रिपरिषद्को कार्यालय, सिंहदरबारमा भएको भेटमा दुई पक्षीय सम्बन्ध र हितका विविध विषयमा छलफल भएको थियो। 

सो अवसरमा बेलायती राजपरिवारका सदस्य डुक अफ इडिनबर्गको आशन्न नेपाल भ्रमणका विषयमा पनि छलफल भएको प्रधानमन्त्रीको निजी सचिवालयले जानकारी गराएको छ। 

भेटका अवसरमा परराष्ट्र मन्त्रालयका उच्चाधिकारीको सहभागिता थियो।