बेलायतका संगीतप्रेमी नेपालीले ल्याए कौडा गीत ‘सोल्टीनी सोल्टीज्यू’ (भिडियो)

लन्डन । बाग्लुङ समाज यूकेकी निवर्तमान अध्यक्ष छविमाया पुन मगरको प्रस्तुति ‘सोल्टीनी सोल्टीज्यू’ गीतको म्यूजिक भिडियो सार्वजनिक भएको छ ।

आइतबार माइथाने इन्टरटेनमेन्ट युट्यूब च्यानलबाट उक्त गीत र म्यूजिक भिडियो सार्वजनिक गरिएको हो ।

यूकेमा छायांकन गरिएको यो पहिलो कौडा गीत भएको बताइएको छ ।

उक्त गीतमा दीपक घर्ती मगर र अनु चौधरीको स्वर छ भने संगीत र भिडियो निर्देशन पनि दीपक घर्ती मगरकै छ । म्यूजिक एरेन्जर हुन् केशव बाबु । गीतको शब्द लन्डनवासी दीपक थापा माइथाने मगर र सिद्धार्थ आले मगरले लेखेका हुन् ।

म्यूजिक भिडियोमा अस्मिता मगर, भुवन थापा मगर, रिया रोका मगर, सिमा रोकामगर, डायमण्ड सरु मगर, मनसुन सरु मगर, बबिन थापा मगर, करिष्मा थापा, दिनेश बहादुर थापामगर, बुद्धि सरु मगर, पार्वती थापामगर, मिलन थापा मगर, सोम राना र सुजाना थापा मगरले अभिनय गरेका छन् ।

छायांकन खगेन्द्र ठकुरी र दीपक घर्ती मगरले गरेका हुन् । कोरियोग्राफी शेखर घर्ती मगरको छ ।

हेर्नुहोस् म्यूजिक भिडियोः