बेलायतका नेपाली इन्जिनियरहरुले गरे रक्तदान

लन्डन । सोसाइटी अफ नेपलिज इन्जिनियर्स इन यूकेले लन्डनमा एक रक्तदान कार्यक्रम गरेको छ । सोसाइटीले ११ जनवरी शनिबार वेष्टफिल्ड लन्डनस्थित ब्लड डोनर सेन्टरमा रक्तदान कार्यक्रम गरेको हो ।

प्रारम्भिक चरणमा बेलायतस्थित करिब २० जना इन्जिनियरहरुले रक्तदानका लागि नाम दर्ता गरेपनि फ्लुको प्रकोप र अत्यधिक चिसो मौसमका कारण उपस्थिति अपेक्षित न्यून हुन पुगेको सोसाइटीले जनाएको छ ।

सोसाइटीका अध्यक्ष वरिष्ठ इन्जिनियर सुबोध तिमिल्सिनाले भने, ‘आजको चुनौतीपूर्ण परिस्थितिमा पनि धेरै प्रतिवद्ध इन्जिनियरहरूले रक्तदान केन्द्रमा आएर रक्तदान गर्नुभयो । हामी हाम्रो सामाजिक र मानवीय जिम्मेवारीहरूलाई धेरै गम्भीरताका साथ लिन्छौं । आज हामीले संस्थाको इतिहासमा पहिलोपटक यस्तो कार्यक्रम आयोजना गरेका छौं। हामी यो पहल बेलायतभर जारी राख्न तत्पर छौं ।’