बेलायत पठाउने भन्दै लाखौं ठगी गर्ने युवा पक्राउ

काठमाडौँ– बेलायत पठाएर आकर्षक तलब दिलाइदिने भन्दै लाखौँ रुपैयाँ ठगी गरेको आरोपमा एकजना युवक पक्राउ परेका छन् ।

पक्राउ पर्नेमा दोलखा घर भई हाल काठमाडौँको कागेश्वरी मनोहरा नगरपालिका–८ बस्ने २४ वर्षीय रामकृष्ण दाहाल छन् ।

दाहालले प्रति व्यक्ति ३१ लाख ५० हजार रुपैयाँ पैसा लिएर बेपत्ता भएका थिए । पीडितले दिएको जाहेरीको आधारमा काठमाडौँ उपत्यका अपराध अनुसन्धान कार्यालयको टोलीले दाहाललाई बुधबार पक्राउ गर्न सफल भएको थियो ।

उनलाई थप अनुसन्धान तथा कारबाहीका लागि जिल्ला प्रहरी परिसर भद्रकाली पठाइएको छ ।