भुटानी नरेश काठमाडौंमा

काठमाडौं, मङ्सिर २१ गते । भुटानी नरेश जिग्मे खेसर नाम्गेल वाङ्चुक अनौपचारिक भ्रमणका सिलसिलामा शुक्रबार बिहान काठमाडौं आइपुगेका छन् ।

उनलाई परराष्ट्रमन्त्री डा. आरजु राणा देउवाले त्रिभुवन अन्तर्राष्ट्रिय विमानस्थलमा स्वागत गरेकी थिइन् ।

काठमाडौं ओर्लेर भुटानी नरेश वाङ्चुकले विश्वसम्पदा सूचीमा सूचीकृत स्वयम्भूनाथको पूजा अर्चनासहित दर्शन गरेका छन् ।

उनले बौद्धनाथको दर्शन पनि गर्ने कार्यक्रम छ । 

भारतबाट स्वदेश फर्कने क्रममा काठमाडौंमा रहेका भुटानी नरेश आजै स्वदेश फर्कने परराष्ट्र मन्त्रालयले जनाएको छ ।