चिनियाँ राष्ट्रपतिको चाहना समृद्ध नेपाल

काठमाडौं- प्रधानमन्त्री केपी ओली र चिनियाँ राष्ट्रपति सी जिङपिङबीच भेटवार्ता भएको छ।

चारदिने औपचारिक भ्रमणमा सोमबार चीन गएका प्रधानमन्त्री ओली र चिनियाँ राष्ट्रपति जिङपिङबीच बेइजिङमा भेटवार्ता भएको हो।

भेटवार्तामा राष्ट्रपति सीले समृद्ध नेपालको निर्माणमा चीन सदैव नेपालको साथ रहने प्रतिबद्धता जनाए ।

प्रधानमन्त्री ओलीको नेतृत्वमा रहेको नेपाली प्रतिनिधिमण्डलसँग राष्ट्रपति सीसहितको चिनियाँ प्रतिनिधिमण्डलसहित वार्ता भएको थियो ।

उनीहरूबीच दुई देशको छिमेकी सम्बन्ध, आपसी हित तथा विकास साझेदारीका विषयमा छलफल भयो ।

यसअघि प्रधानमन्त्री ओली र चिनियाँ समकक्षी ली छ्याङबीच ग्रेट हल अफ पिपलमा भेटवार्ता भएको थियो।

प्रधानमन्त्री ओलीको सम्मानमा चिनियाँ जनमुक्ति सेनाले ‘गार्ड अफ अनर’ प्रस्तुत गरेको थियो।