कीर्तिपुर प्रमुखमा कांग्रेसका डंगोल विजयी

काठमाडौं, मंसिर १७ गते । कीर्तिपुर नगरपालिकाको प्रमुखमा नेपाली कांग्रेसका उम्मेदवार कृष्णमान डंगोल विजयी भएका छन् । निर्वाचन अधिकृत इन्दिरा कार्कीका अनुसार डंगोलले पाँच हजार ३३४ मत ल्याएर विजयी भएका हुन् ।

नेकपा (माओवादी केन्द्र) का शिवशरण महर्जनले चार हजार ५५५ मत र नेकपा (एमाले) का सुरेन्द्र मानन्धरले चार हजार ३३७ मत प्राप्त गरे ।

गत निर्वाचनमा कांग्रेसबाट निर्वाचित प्रमुख राजकुमार नकर्मीको गत साउन १० गते निधन भएपछि त्यहां उपनिर्वाचन भएको हो ।