शिव मन्दिर अल्डरसटमा हरेक आइतबार आध्यात्मिक सत्संग

लन्डन । शिव कल्चरल एण्ड कम्युनिटी सेन्टर (शिव मन्दिर) अल्डरसटमा आध्यात्मिक सत्संग हुने भएको छ। आगामी २४ नोभेम्बरदेखि हरेक आइतबार दिनको ४ देखि ६ बजेसम्म सत्संग हुन लागेको हो ।

डा. कृष्ण उपाध्यायको प्रवचनसहित हुने यो सत्संग विशेष गरि सनातनी शास्त्रहरुको आधारभूत बिषयहरुबाट शुरु गरिने छ। आत्मा, परमात्मा, भक्ति, धर्म आदि विषयमा विभिन्न ग्रन्थ आचार्य र महापुरुषहरुको विषय चर्चापछि दीर्घकालिन भागवातीय वार्ता सञ्चालन गरिने डा. उपाध्यायले जनाए ।

बीच बीचमा किर्तनसहित सञ्चालन हुने उक्त सत्संगमा विषय हेरी छोटो प्रश्नोत्तर कार्यक्रम पनि गरिने आयोजक शिव मन्दिर अध्यक्ष विक्रम भट्टराईले जानकारी दिए ।

सेन्टरले उक्त सत्संगमा सहभागी हुन इच्छुक भक्तजनहरुमा अनुरोध समेत गरेको छ ।