सहकारी ठगीबारे कांग्रेस उपसभापति धनराजसँग सीआईबीले लियो बयान

काठमाडौं। नेपाल प्रहरी केन्द्रीय अनुसन्धान ब्युरोले नेपाली कांग्रेसका उपसभापति धनराज गुरुङसँग बुधबार दिउँसो बयान लिएको छ ।

सीआईबीका प्रवक्ता सूचना अधिकारी प्रहरी उपरीक्षक होविन्द्र बोगटीका अनुसार बुधबार दिउँसो १२ देखि साढे पाँच बजेसम्म गुरुङका बारेमा उठेका प्रश्नहरुको बयान कागज गरिएको छ ।

प्रवक्ता बोगटीले भने, “आज १२ बजेदेखि साढे ५ बजेसम्म कागज गरेको हो । उहाँको बारेमा उठेका प्रश्नहरुको बयान कागज गरिएको छ ।”

कांग्रेस उपसभापति गुरुङ सहकारी ठगी प्रकरणमा विवादमा तानिएका छन् । गुरुङ पत्नी ज्योति महाप्रबन्धक रहेको सहकारीबाट करोडौं ठगी गरेको आरोप उनीहरुमाथि छ ।