लन्डन वुल्लीचमा देखाइंदै छक्कापञ्जा ५

लन्डन- वर्षकै सुपरहिट नेपाली चलचित्र ‘छक्कापञ्जा ५’ चाँडै बेलायतका दर्शकले पनि हेर्न पाउने भएका छन् ।

यही दशैंमा प्रदर्शनमा आएर अत्याधिक रुचाइएको छक्कापञ्जाको पछिल्लो सिक्वेल आगामी नोभेम्बर १० तारिख आइतबार लन्डन वुल्लीचमा प्रदर्शन हुने भएको हो ।

‘सनराइज् इभेन्ट्स’ को आयोजनामा वुल्लीचको ट्रामसेड थिएटरमा अपरान्ह ४ बजे चलचित्र प्रदर्शन गर्न लागिएको हो ।

सनराइज इभेन्ट्स सञ्चालक प्रकाश कंडेलले चलचित्र हेर्न १५ पाउण्डको टिकट राखिएको जानकारी दिए । तर ज्येष्ठ नागरिक र अध्ययनका लागि नेपालबाट आएका विद्यार्थीहरुको लागि भने छुटसहित १० पाउण्ड मात्रै लिइने उनले बताए।

थिएटरमा सिट संख्या सिमित रहेकाले यथासक्य चाँडो टिकट बुक गर्न कंडेलले आग्रह गरेका छन्।

नेपाली चलचित्र इतिहासकै सर्वाधिक सफल सिक्वेल छक्कापञ्जाको ५ औं भाग पनि दर्शकले निकै रुचाएका छन् । दीपाश्री निरौलाको निर्देशन रहेको चलचित्रमा दीपकराज गिरी, केदारप्रसाद सघिमिरे माग्ने बुढा, वर्षा शिवाकोटी लगायत कलाकारको मुख्य भूमिका छ ।

सुनगाभा इन्टरटेनमेन्टले बेलायतमा ल्याउन लागेको चलचित्रलाई यहाँका अन्य शहरमा पनि प्रदर्शन गराउने तयारी छ ।