बेलायतमा उपसेनानी पौडेललाई उत्कृष्ट अन्तर्राष्ट्रिय अवार्ड

लन्डन । बेलायतको इन्फेन्ट्री ब्याटल स्कुलमा सम्पन्न तालिममा नेपाली सेनाका उपसेनानी कल्याण पौडेलले उत्कृष्ट अन्तर्राष्ट्रिय विद्यार्थीको अवार्ड प्राप्त गरेका छन्।

नेपालबाट यो अवार्ड जित्ने पौडेल दोस्रो अधिकृत हुन्।

जुन ९ देखि अगस्ट १६, २०२४ सम्म सञ्चालन भएको तालिममा विभिन्न राष्ट्रका ९ जना र बेलायती इन्फेन्ट्रीका ७६ अधिकृत सहभागी थिए।

उनी रोयल मिलिट्री एकेडेमी, स्यान्डहर्स्टबाट कमिसन भएर ब्रेकनमा इन्फेन्ट्री ब्याटल स्कुल, प्लाटुन कमाण्डर ब्याटल कोर्स गर्न गएका थिए । 

उनले उत्कृष्ट नतिजा ल्याउन सकेकोमा खुशी हुँदै हौसला दिने सबैप्रति आभार व्यक्त गरेका छन् ।