लाइभ दोहोरीमा चर्चित टीका सानु र सुमन परियार बेलायतमा


लन्डन- लाइभ लोकदोहोरी क्षेत्रका चर्चित दुई कलाकार सांगीतिक प्रस्तुतिका लागि बेलायत आइपुगेका छन् ।
बेलायतस्थित सुनगाभा इन्टरटेनमेन्टको निमन्त्रणामा गायिका टीका सानु र गायक सुमन परियार आइतबार बेलायत आइपुगेका हुन् ।
बेलायतको बर्मिङहमस्थित विमानस्थलमा उत्रिएका उनीहरुलाई सुनगाभा इन्टरटेनमेन्टका निर्देशक लोकनाथ अधिकारी र नेपाली समाज नटिङहमका संस्थापक अध्यक्ष रणबहादुर खाती क्षेत्रीले स्वागत गरेका थिए ।
बेलायतमा रहंदा टीका र सुमनले सुनगाभा इन्टरटेनमेन्टले विभिन्न स्थानमा आयोजना गर्ने कार्यक्रमहरुमा प्रस्तुति दिनेछन्। उनीहरुको पहिलो प्रस्तुति भने सोमबार नटिङहममा हुंदै गरेको नेपाली मेलामा रहने भएको छ ।
पछिल्लो समय सुनगाभा इन्टरटेनमेन्टले नेपालका चर्चित कलाकारलाई बेलायतमा ल्याएर सांगीतिक कार्यक्रमहरु आयोजना गर्दै आएको छ ।
अहिलेसम्म यो समूहले चर्चित कलाकारहरु राजु परियार, मेलिना राई, अस्मिता अधिकारी, एड्रियन प्रधानलगायतका कन्सर्टदेखि भोइस अफ नेपाल टीमको यूके सांगीतिक टुर पनि गरिसकेको छ ।
सम्बन्धित सामग्रीहरू
हाम्रो सिफारिस
- १
- २
- ३
- ४
- ५