आश्मा बनिन् मिस नेपाल–२०२४

काठमाडौं- मिस नेपाल–२०२४ को उपाधि आश्माकुमारी केसीले चुमेकी छन्।

शनिबार काठमाडौं आयोजित ग्रान्ड फिनालेमा केसी मिस नेपाल भएकी हुन्। 

हिडन ट्रेजरले आयोजना गरेको मिस नेपालको ३० औं संस्करणमा २५ सुन्दरीलाई पछि पार्दै आश्माले ‘मिस नेपाल वर्ल्ड’ को उपाधि जितेकी हुन् ।

उनलाई पूर्वमिस नेपाल श्रीच्छा प्रधानले ताज लगाइदिएकी थिइन्।

‘म असाध्यै उत्साहित र खुशी छु । मेरो धेरै संघर्षको फल आज प्राप्त गरेको छु’- उनले भनिन् । 

उता, मिस नेपाल अर्थको उपाधि सुमना केसी र मिस नेपाल इन्टरनेशनलको ताज करुणा रावतले पाए ।