पूर्वप्रधानसेनापति थापाको निधन

काठमाडौँ । पूर्वप्रधानसेनापति धर्मपाल वरसिंह थापाको निधन भएको छ ।

लामो समयदेखि फोक्सोसम्बन्धी रोगबाट पीडित उनको बिहीबार ८५ वर्षको उमेरमा उपचारका क्रममा वीरेन्द्र अस्पताल छाउनीमा निधन भएको नेपाली सेनाले जनाएको छ ।

थापा २०५२ देखि २०५६ सालसम्म प्रधानसेनापति थिए । उनको कार्यकालमा नेपाली सेनाको सङ्गठन सुधारका कार्यक्रम प्रभावकारीरुपमा कार्यान्वयन भएको थियो ।

उनका तीन छोरा र एक छोरी छन् ।