हितकाजी नेतृत्वको एनआरएनए यूकेले पनि नारी दिवस मनाउने

लन्डन । हितकाजी गुरुङ नेतृत्वको एनआरएनए यूकेले अन्तर्राष्ट्रिय नारी दिवसको अवसरमा ‘शुभकामना आदानप्रदान तथा अन्तरक्रिया’ गर्ने भएको छ ।

आगामी ५ मार्च मंगलबार दिउसो अल्डरसटस्थित एम्पायर हलमा कार्यक्रम गर्न लागिएको हो ।

लन्डनस्थित नेपाली दूतावासकी उपनियोग प्रमुख रोशन खनालको प्रमुख आतिथ्यमा हुने उक्त कार्यक्रममा भरतपुर महानगरपालिकाकी मेयर रेणु दाहाल विशेष अतिथीका रुपमा सहभागी हुंदैछिन् ।

मेयर दाहाल अन्तर्राष्ट्रिय मेयर अवार्ड ग्रहण गर्न बेलायत आउन लागेकी जनाइएको छ ।

उक्त कार्यक्रममा विभिन्न नेपाली संघ–संस्थाका प्रतिनिधि तथा गैरआवासीय नेपाली संघ अन्तरराष्ट्रिय पदाधिकारीहरु पनि सहभागी हुने एनआरएनए यूकेले जनाएको छ ।